Transcription
1
Monsieur, hier soir bien tard, je receuz votre lettre du XIIme par laquelle me mandez
2
qu’il est passé par là deux clercs du tresorier de l’extraordinaire qui apportent de l’argent
3
par deça, et que deux heures après, monsieur des Adretz vous envoya une lettre du commis
4
dudit tresorier à Lyon par laquelle il luy faisoit entendre qu’il envoyoit les deniers pour
5
le payement d’un moys de ses bendes par deça, dont vous aviez advisé de l’avancer
6
et moy de m’advertir qu’il pourra partir le XV et estre icy au XXII ou XXIIIIme. Quant
7
au premier pour n’estre jusques icy comparu ne clercs, ne argent, je ne say
8
que vous en promettre, ne dire et quant à l’autre, vous ayant cy devant mandé
9
qu’il ne fault poinct faire penser de faire passer gens par deça sans argent ou s’ilz n’ont
10
d’eux mesmes le myen de s’entretenir et vivre. Je ne saurois, sinon vous réiterer
11
le mesmes et vous dire que je sois bien d’oppinion que ledit sieur des Adretz
12
ne s’avanceast tant que premier il n’ait receu luy mesmes argent ou qu’il n’ait
13
adviser de moy qu’il soit icy, autrement il fauldroit qu’il séjournast et vescust
14
sur le passage, ce que (me conformant à vostre oppinion) je ne trouve pas à propoz.
15
Partant, monsieur, vous le pourrez, s’il vous plaist, advertir de ne se haster
16
jusques à autre mien advis, car soubdain que ledit argent sera arrivé et seu que
17
j’auray la somme qui y sera, je ne fauldray de vous en donner advis
18
et d’envoyer à temps gens sur les confins pour recevoir lesdites bendes et les
19
conduyre où je verray estre de besoing pour le service du roy. Sur ce, je
20
me recommanderay à vostre bonne grâce, priant Dieu qu’il vous doint
21
Monsieur, en santé, bonne, longue et contente vie. De Saluces, le XVme
22
jour de juillet 1572 .S.
23
Votre plus affectionné à vous faire service
24
Lodovico Birago